Kombëtarja shqiptare e futbollit mësoi edhe kundërshtarët për finalet e “Euro 2024” që do zhvillohet verën që vjen në Gjermani. Kuqezinjtë u shortuan në Grupin B, teksa goglat ishin të pamëshirshme për tanët, me Shqipërinë që do ketë kundërshtarë emra si Spanja, Italia dhe Kroacia.
Veç tyre, UEFA ka vendosur që secili ekip të ketë të gatshëm vetëm 23 futbollistë, nga 25 që kishte më parë. Kujtojmë se numri i futbollistëve të gatshëm u shtua në kohën e pandemisë “Covid-19”, teksa tanimë gjithçka është rikthyer si më parë.
Me vetëm 23 emra në dispozicion, trajneri Sylvinho do duhet të skarcojë dhe lërë jashtë disa futbollistë nga grumbullimi i fundit. Sigurisht që braziliani do ketë kohë dhe miqësore në dispozicion për të ftuar emrat që janë më në formë dhe më të gatshëm për të përballur tre ekipet më sipër.
Një telash tjetër është edhe gjendja fizike e Armando Brojës dhe Marash Kumbullës. Nëse sulmuesi i Chelsea ka nisur të marrë minuta me të tijtë në Premier League, nga ana tjetër mbrojtësi i Romës do jetë gati për Mourinhon vetëm në janar.
Me shkurtimin e listës dhe formën “jo” (deri tani) të dyshes Broja – Kumbulla, mungesa e tyre në Gjermani do ishte një “luks” i tepruar për tanët. Me formën që po kalon sulmi, duhet që Sylvinho të sakrifikojë emra të tjerë për t’i bërë vend në ekip Kumbullës dhe Brojës.
Grumbullimi i fundit nga Sylvinho:
