Vitet e fundit janë shtuar personat fizikë që kërkojnë të përdorin për nevoja personale, apo biznesi automjete të blinduara. Por sipas ligjeve të shtetit shqiptar, jo kushdo mund të blejë dhe sjellë në Shqipëri mjete të tilla. Kështu, legjislacioni ka disa rregulla dhe procedura për të gjithë ata që kërkojnë të ngasin mjete të blinduara, raporton “Panorama.al”.
Këtu flasim për qytetarë të thjeshtë dhe jo personalitete. Për pajisjen me një mjet të blinduar, ju duhet të paguani 3 mln lekë të vjetra. Leja është e përhershme por duhet të ndiqni udhëzimet e mëposhtme që ta përfitoni atë. Aktualisht në Tiranë janë vetëm 14 persona fizikë që përdorin mjete të blinduara me lejet përkatëse.
UDHEZIMET:
Në Nenin 71 “Karakteristikat konstruktive dhe fuksionale te mjeteve me motor dhe rimorkiove te tyre” të ligjit nr. 8378 datë 22.07.1998 “Kodi Rrugor i Republikës Shqipërisë”(i ndryshuar), përcaktohet:
Udhëzimi i Përbashkët i Ministrit të Brendshëm nr. 1362/2, datë 29.05.2006 dhe Ministrit të Punëve Publike, Transportit dhe Telekomunikacionit nr. 5495 prot, datë 31.05.2006 “Për karakteristikat konstruktive dhe funksionale të mjeteve të blinduara”.
“1 Të gjithë pronarët e mjeteve të blinduara që qarkullojnë në territorin e Republikës së Shqipërisë kanë nevojë të pajisen me një autorizim të veçantë për t’u pajisur me targa regjistrimi.
- Drejtuesit e mjeteve të blinduara, që i përdorin mjetet e tyre për qëllime transporti vlerash monetare, ose për qëllime të tjera sigurimi, eskortimi personash apo vlerash artistike etj., duhet të pajisen me një autorizim të veçantë vjetor të lëshuar nga drejtori i përgjithshëm i Policisë së Shtetit.
- Drejtuesit e mjeteve që i përdorin ato për qëllime personale private duhet të pajisen me një autorizim të veçantë të lëshuar nga drejtori i policisë së qarkut pas paraqitjes së kërkesës paraprake.
- Ndalohet pajisja e mjeteve të blinduara me targa metalike dhe leje qarkullimi, pa u pajisur më parë pronari i tyre me autorizim përkatës të drejtorit të Policisë së Shtetit, ose të qarkut sipas përcaktimeve të pikave 1 dhe 2
- Autorizimi i veçantë i lëshuar nga autoritetet e mësipërme policore është i vlefshëm për drejtimin e mjetit vetëm nga personi që e ka në pronësi. Nëse pronari i mjetit do të drejtojë atë me drejtues mjeti të punësuar me kontratë të rregullt ligjore emri i tij, duhet të jetë i shënuar në autorizimin përkatës të lëshuar nga drejtori i përgjithshëm i policisë apo i qarkut
- Ndalohet dhënia e këtyre mjeteve në përdorim apo me qira, kujtdo personi tjetër, që nuk është i autorizuar nga policia dhe që në autorizimin përkatës nuk është shënuar emri i tij.
- Në rast të ndërrimit të pronësisë, automjetet e blinduara ndalohet të qarkullojnë, derisa pronari i ri të pajiset me autorizim të veçantë nga drejtori i Përgjithshëm apo drejtori i policisë së qarkut”.
ma.me
