Ashtu siç kishte paralajmëruar, Shkëlzen Berisha, djali i ish-Kryeministrit Sali Berisha, ka paditur në Prokurori juristin e OSHEE-së Romeo Karaj, lidhur me deklaratat e e këtij të fundit se djali ish-Kryeministrit ka udhëtuar me Kastriot Ismilajn për në Pragë.
Këtë gjë Shkëlzen Berisha e ka bërë të ditur përmes një postimi në Facebook, ku ka treguar padinë e bërë ndërsa paralajmëron edhe të tjerë.
“Përgjigja më e mirë për shpifësit është rruga ligjore. Në këtë mënyrë do u jepet mundësia të flasin aty ku duhet dhe jo atje ku nuk mbajnë asnjë përgjegjësi për shpifjet tyre. Padi të tjera do të vijojnë në ditët në vazhdim”,- shkruan Shkëlzen Berisha.
Sipas Romeo Karajt, Kastriot Ismailaj ka marrë 1.5 mln euro nga CEZ para vizitës së tij në Pragë me Shkëlzen Berishën.
Por ky i fundit i ka mohuar akuza, duke e ndjekur tashmë çështjen në rrugë ligjore, pasi pretendo se deklaratat e Karaj janë shpifje. /b.d
