Udhëheqësi suprem i talebanëve, Mawlawi Haibatullah Akhundzada, ka paralajmëruar edhe një herë të huajt që të mos ndërhyjnë në Afganistan gjatë një fjalimi të rrallë në një tubim të klerikëve islamikë në Kabul të premten, sipas mediave shtetërore.
Udhëheqësi i izoluar i tha konferencës se Afganistani “nuk mund të zhvillohet pa qenë i pavarur”, sipas agjencisë shtetërore të lajmeve Bakhtar.
“Falë Zotit, ne jemi tani një vend i pavarur. (Të huajt) nuk duhet të na japin urdhrat e tyre, ai është sistemi ynë dhe ne kemi vendimet tona,” shtoi Akhundzada.
Shpejtësia e marrjes së kontrollit, vetëm disa javë pas fillimit të tërheqjes së trupave amerikane, befasoi botën dhe çoi në shpërbërjen e qeverisë së Ashraf Ghani të mbështetur nga jashtë, i cili ishte larguar nga vendi.
Akhundzada i bëri komentet në një regjistrim audio gjatë një tubimi fetar tre-ditor me 3,000 pjesëmarrës — të gjithë ishin meshkuj, sipas medias shtetërore. Takimi nuk ishte i hapur për mediat, por CNN dëgjoi regjistrimin e fjalimit të Akhundzada./m.j
