Udhëheqësi suprem iranian, Ajatollah Mojtaba Khamenei ka deklaruar se fuqitë e Gjirit Persik nuk do të jenë më “mburoja” për bazat ushtarake amerikane dhe SHBA-të nuk do të kenë më “një strehë të sigurt” në rajon.
Khamnei i bëri komentet në kanalin e tij Telegram të martën. Deklarata vjen ndërsa Teherani dhe Uashingtoni diskutojnë një kornizë për t’i dhënë fund luftës së tyre tre-mujore.
“Akrepat e kohës nuk kthehen prapa dhe kombet dhe territoret e rajonit nuk do të shërbejnë më si mburojë për bazat amerikane. Amerika nuk do të ketë më një strehë të sigurt për të keqen ose për të krijuar baza ushtarake në rajon”, tha ai.
Udhëheqësi suprem i Iranit mori pushtetin në mars pasi babai i tij, Ajatollah Ali Khamenei, u vra në sulmet ajrore SHBA-Izrael. Mojtaba Khamenei deri më tani nuk është shfaqur në publik.
