Një debat me tone të forta është zhvilluar mes ish-kandidatit për deputet të PD-së, Aulon Kalaja dhe gazetarit Mentor Nazarko, teksa në fokus ishte çështja çame dhe marrëdhëniet me Greqinë.
Gjatë diskutimit në “Off the Record” nga Andrea Danglli në A2CNN, Nazarko akuzoi ish-kryeministrin Sali Berisha për qëndrimin ndaj çështjes çame dhe marrëveshjes për detin me Greqinë.
Kalaja i kërkoi Nazarkos që të mos mbrojë Ramën, duke u shprehur se për çështjen kombëtare ai nuk mbron partinë apo Berishën.
DEBATI
Nazarko: Doktori edhe e ka braktisur çështjen çame, edhe ia dha detin Greqisë. Në vizitën e Presidentit grek, në takimin me Moisiun…nëse përmendim komunitete shqiptare me referencë territoriale, Greqia thotë të ta quaj vorio-epir jugun e Shqipërisë.
Kalaja: 14 vjet Rama s’ka bërë gjë për çështjen çame. Nuk është momenti të mbrosh Ramën.
Nazarko: Nuk hyn fare Rama në këtë ekuacion.
Kalaja: As Rama, as Berisha. Berisha ka bërë gabim për varrezat.
Nazarko: Ka bërë edhe për detin gabim.
Kalaja: Kam biseduar edhe me Gjykatën Kushtetuese për këtë çështje. Kam bërë 17 protesta kundër faljes së detit Greqisë, dhe për çështje kombëtare nuk pyes partinë unë. Nëse ti do të më thuash Berisha, PD-ja, nuk intimidohem.
Nazarako: As unë nuk intimidohem, se nuk jam anëtar partie siç je ti.
