Arrestimi dhe gjykimi i ish-udhëheqësve të UÇK nga Gjykata Speciale është një proces politik. Kështu u shpreh ish-ministrja Mimi Kodheli përmes një lidhje direkte me emisionin “Java në RTSH”.
Kodheli shtoi se ky nuk është një proces për të nxjerrë të vërtetën dhe se nevojitet një raport i ri për të mundësuar një brazi në gjykimin e historisë për luftën e Kosovës.
“Hashim Thaçi është i zgjedhur me votat e popullit të Kosovës dhe detyra e tij nuk ka pse ndikon gjykatën e Hagës. Unë uroj që gjithçka të përfundojë shpejt dhe të sqarohet njëherë e mirë. Por pavarësisht nga vendimet e Gjykatës Speciale, lufta e UÇK nuk mund të njolloset. Ne duhet të jemi të bashkuar për t’i lënë brezave të ardhshëm një histori të qartë që asaj që ka ndodhur në Kosovë” – tha Kodheli në emisionin ‘Java në RTSH’ të premten mbrëma.
Ish-ministrja shtoi se shqiptarët duhet të kishin një qasje ndryshe dhe të ishin të njëzëshëm në të tilla raste. Ajo tha se edhe zbardhja e krimeve të luftës kërkon një angazhim mbarëkombëtar dhe jo t’i besohet veç disa organizmave apo intituteve.
