Ka mbërritur në Shqipëri trupi i pajetë i 21-vjeçarit i cili u qëllua për vdekje disa ditë më parë në Suedi. Trupi i të riut është kthyer në atdhe për t’u përcjellë për në banesën e fundit në Fier ku familja Llupi ka hapur dyert e mortit. Ceremonia e përcjelljes për në banesën e fundit pritet të zhvillohet ditën e premte.
Ngjarja e rëndë ka ndodhur disa ditë më parë në Suedi, ku 21-vjeçari humbi jetën si pasojë e të shtënave me armë zjarri., ndërsa mbeti e plagosur 25-vjeçarja e cila ndodhej në shoqërinë e viktimës. Autoritetet suedeze kanë nisur hetimet për zbardhjen e plotë të rrethanave të krimit dhe identifikimin e autorëve të dyshuar.
Motivet e ngjarjes mbeten ende të paqarta, ndërsa rasti ka shkaktuar reagime në komunitetin shqiptar jashtë vendit.
Në foto: viktima Mateo Llupi
