Zbardhen detaje të reja nga ngjarja e rëndë që ka shokuar qytetin e Durrësit. 41 vjeçarja nga fshati Vardardhë i Sukthit, nënë e 4 fëmijëve, dyshohet se i ka dhënë fund jetës, pas denigrimit në rrjetet sociale.
Gazetari i Report Tv, Artur Korriku mëson se viktima para disa kohëve kishte bërë denoncim në polici se po bullizohej në rrjetet sociale por duket se nuk është marrë asnjë masë që mund të parandalonte 41 vjeçaren të kryente vetëvrasjen.
Pas vetëvrasjes videot në Tik Tok janë fshirë, ndërsa pas publikimit të skandalit në media është hequr dhe fotoja e gruas e cila ishte në profilin e faqes së Tik Tok.
/f.s
