U riatdhesuan nga kampet e ISIS, Floresha Rasha me fëmijët dhe Endri Dumani përfundojnë rehabilitimin. Burime për Report Tv bëjnë me dije se Endri Dumani është marrë nga e ëma e tij.
Sakaq Floresha Rasha është zhvendosur bashkë me fëmijët e saj në një shtëpi të siguruar nga shteti. Floresha Rasha dhe Endri Dumani janë larguar nga konvaleshenca pas rehabilitimit.
Pas kthimit nga Siria më tetor të 2020, Floresha Rasha me fëmijët e saj Amar, Emel dhe Hatixhe Rasha si dhe Endri Dumani ishin nën monitorim 24/7 në shtëpinë e pushimit të ushtarakëve të Ministrisë së Mbrojtjes, në Konvaleshencë të Durrësit.
Bashkë me ta, pranë të birit qëndronte edhe nëna e Endri Dumanit. Në dispozicion të tyre, përveç psikologëve, ishin caktuar 3 efektivë të rendit dhe 3 ushtarake, të ndarë e kombinuar nga 3 persona për çdo turn.
g.kosovari
