Disa ditë pasi Garda e Republikës paditi ish-kreun e saj Ndrea Prendi, Gjykata e Tiranës shpall moskompetencën.
Dosja e çështjes është dërguar nga gjykata e Tiranës në gjykatën Administrative.
Juristët e Gardës së Republikës depozituan në Gjykatën e Tiranës padinë civile sipas të cilës Ndrea Prendi dhe ish-vartësi i tij Agim Llupo duhet të përgjigjeshin për dëmshpërblimin ekonomik të tre nga katër viktimave të 21 janarit 2011.
Sipas padisë, Prendi dhe Llupo duhet të kthejnë në arkën e gardës faturën prej 2.1 milionë euro që Garda ka paguar si dëmshpërblim për viktimat e 21 janarit.
/b.d
