Një 15-vjeçar humbi jetën në mënyrë të dyshimtë në Xhenova të Italisë, teksa u ndje keq në një festë.
Adoleshenti ishte në banesën e një shoku së bashku me 15 bashkëmoshatarë kur nuk u ndje mirë dhe miqtë e tij thirrën ambulancën.
Mjekët e urgjencës u përpoqën disa herë për ta rikthyer në jetë, por pa sukses.
Më pas, karabinierët inspektuan shtëpinë dhe përjashtuan se vdekja ishte për shkak të abuzimit me alkoolin ose drogën.
Megjithatë, në apartament kishte doreza boksi , të cilat djemtë konfirmuan se i përdornin për të simuluar ndeshje me njëri-tjetrin dhe nga sa raportohet 15-vjeçari u ndje keq pas përleshjes së tij me një bashkëmoshatar.
Hetimet vijojnë ndërkohë që në trupin e të miturit do të kryet një autopsi për të zbardhur shkaqet e vdekjes.
/a.r
