Dy të rinj janë arrestuar nga policia në Vlorë pasi posedonin armë dhe tentuan të arratiseshin pasi policia u bëri shenjë të ndalonin.
E.G. 21 vjeç dhe J.A. 26 vjeç udhëtonin me një makinë Audi në lagjen “Partizani” të Vlorës. Një patrullë policore u bëri shenjë që të ndalonin. Në këtë moment, të rinjtë ndaluan mjetin në rrugë duke e braktisur dhe tentuan të largoheshin.
Në këtë moment, njëri prej tyre hodhi në tokë një armë zjarri, e cila u sekuestrua në cilësinë e provës materiale.
Efektivët e policisë i kanë ndjekur dhe mundën t’i arrestonin. Vijon puna hetimore për të zbardhur autorësinë se cili nga të rinjtë posedonte armën e zjarrit.
/a.r
