Gjykata e Apelit e Durrësit redukoi me disa vite dënimin për Olesia Dukën e cila akuzohet për mashtrim të biznesmenëve.

Gjykata e Shkallës së parë e Durrësit e kishte dënuar me 10 vite burg ndërsa sot apeli dha dënimin me 6.8 vite burg.

Ajo u denoncua për mashtrime ndaj biznesmenëve me shuma të mëdha.

Trupa gjykuese e Apelit përbëhej nga gjyqtarët Izet Dusha,Anita Mici dhe Arben Vrioni.

Olesia Duka ndodhet në burg prej 28 shkurtit 2018. Dhe rezulton të ketë mashtruar 14 persona, duke arritur t’u marrë atyre një shumë financiare që përllogaritet nga prokuroria në totalin e 3.033.532 eurove.

Hetimet kanë zbardhur se Olesia Duka prezantohej si administrator e subjektit “Shëndeti” shpk dhe biznesmene shumë e suksesshme dhe me lidhje politike, me profesion mjeke që kishte në pronësi disa klinika dentare me anë të të cilave, fitonte shumë para dhe i duhej valutë në euro me qëllim blerje materialesh. Olesia Duka, kishte aktivizuar një rrjet të tërë informimi me anë të medias dhe rrjeteve sociale, reklamave në automjete, si dhe me anë të reklamave të vendosura nëpër Tiranë.

Personat e mashtruar nga dentistja:

1. Gerta Lumi

2. Enver Xhengo

3. Etleva Lasku

4. Idlir Hoxha

5. Ilir Doci

6. Miranda Hitaj

7. Adem Selamaj

8. Drita Kristo

9. Viktor Hoxha

10. Lando Vito

11. Rezart Shtino