Gjykata e Barit ka konfirmuar arrestimin dhe ka lëshuar një urdhër paraburgimi kundër Elvis Metvelajt, 42-vjeçarit shqiptar që besohet të jetë autori i vrasjes së italianes Ornella Forastefano, 46 vjeçe, e cila u la në agoni mëngjesin e 16 gushtit jashtë spitalit Trebisacce dhe më vonë vdiq nga plagët e thella dhe traumat në të gjithë trupin.
Në të njëjtën kohë, gjykatësi urdhëroi që çështja t’i kalohej prokurorisë së Castrovillari (Cosenza), e cila ka juridiksion territorial. Metvelaj u arrestua në portin e Barit ndërsa po përpiqej të kthehej në vendin e tij të lindjes nga porti i barit, vetëm pak orë pas krimit.
Sipas asaj që është mësuar, ngjarjet kanë ndodhur rreth orës 3 të mëngjesit. Gruaja kishte lëndime të rënda dhe trauma të shumëfishta. Mësohet se ai nuk e ka pranuar autorewsinw. Shqiptari ka pasur tw kaluar kriminale pwr drogw, kurse viktima ka pasur njw anwtar tw familjes tw lidhur me “Ndragheta” dikur.
“Pas zbulimit, hetimi i karabinierëve u përqendrua te partneri, një shtetas shqiptar 42-vjeçar, i cili ishte zhdukur. Burri ishte i njohur për forcat e rendit për krime të lidhura me drogën. Sipas raportimeve, të dy kishin jetuar së bashku për rreth një vit”, informon RAI.
Hetimi po kryhet nga Karabinierët e Njësisë Hetimore të Komandës Provinciale të Kozencës, Kompania Cassano allo Ionio dhe Stacioni i Trebisacce.
Pasi u sulmua brutalisht, gruaja u dërgua në Spitalin Trebisacce dhe u la jashtë hyrjes. Kur mjekët e vunë re, e trajtuan menjëherë, por për shkak të ashpërsisë së plagëve të saj, ajo vdiq.
Gruaja drejtonte një bar në qendër të Trebisacce me dy fëmijët e saj (djem). Me origjinë nga Cassano allo Ionio dhe që jetonte në Amendolara, ajo thuhet se ishte vajza e Antonio Forastefano-s, i cili u vra në vitin 1999 ndërsa po dilte nga dyqani i tij i peshkut në Marina di Sibari.
Rrethana të cilat, megjithatë, për momentin, nuk duket se kanë lidhje me vrasjen. Zyra e prokurorit të Castrovillarit nuk ka përjashtuar asnjë mundësi.
Ornella ishte motra e Domenico Forastefano, i konsideruar si një nga eksponentët historikë të klanit ‘Ndrangheta”, që ushtron pushtetin e tij në zonën e Sibaritide, dhe mbesa e Pasquale Forastefano, aktualisht i ndaluar nën regjimin e vitit 1946.
Në vitin 2023, Gjykata e Apelit e Catanzaros i ktheu asaj disa asete të sekuestruara si pjesë e hetimit Omnia, pasi u zbulua se ajo nuk kishte qenë e përfshirë në gjyq dhe nuk ishte hetuar kurrë.
Lidhje familjare që duhen eksploruar më tej dhe që përshkruajnë kontekstin që rrethon viktimën, por që aktualisht nuk na lejojnë t’i atribuojmë një shkak specifik vdekjes.
