Në një intervistë për Abc News ish-futbollisti Florian Riza, njëherësh zyrtar i FSHF ka treguar si e mësoi se ishte i infektuar me koronavirus dhe se si e kaloi tashmë me sukses këtë betejë.
Riza gjatë intervistës së tij ka shpehur pakënaqësinë për urgjencën 127, ku ka theksuar se në kontaktin e parë që ka pas me të nuk e kanë marrë seriozisht si rast.
Ish-futbollisti është shprehur se pas refuzimit nga 127 ka telefonuar mjekun e familjes Arian Harxhi, dhe pas marrjes së antibiotikut të parë duke qene se gjendja nuk ndryshoi, ka qenë ai që i ka kërkuar që të paraqitet në spital.
Ndër të tjera ai është shprehur se është e vështirë të mendosh faktin se të sëmurët me koronavirus në vendin tonë duhet të përballen me kushtet skandaloze që ka Infektivi.
Ndërkaq po në Abc News, Eugena Tomini Shefja e Epidemiologjisë në ISHP, i është përgjigjur pakënaqësisë së ish-futbollistit Florian Riza.
Tomini në fjalën e saj është shprehur se nëse 127 në një moment për shkak të përshkrimit që mund të jetë bërë nuk e ka konsideruar rast të dyshimtë, për rastin në fjalë duket se sipas saj ka qenë linja sekondare ajo e mjekut të familjes që ka bërë dhe identifikimin.
Gjithashtu ajo është shprehur se çdo rast që ka shenja dyshuese dhe sidomos në këtë kohë karantine është e rëndësishme që të mos dalë nga shtëpia.
“Unë duhet të saktësoj se zotëria në fjalë mesa dëgjoj nga ju paska ndjekur rigorozisht triozhimin telefonik të ndjekur nga çdo qytetar tjetër. Njoftimin drejt 127 që janë disa kritere mbi përkufizimin e rastin dhe më pas ka kontaktuar mjekun e familjes që është një linjë sekondare që i është bashkangjitur 127 dhe përmes telefonit të 127. Pas përkufizimit të rastit janë dhe ato raste që kanë vështirësi në fyrmëmarrje dhe janë kontakte të rasteve të konfirmuar pozitivë. Zotria në fjali i ka kaluar të dy filtrat dhe një nga filtrat i ka kërkuar bërjen e tamponit. Bërja e tamponit në Shërbimin Infektiv ka ndjekur rrugën e duhur të rastit të dyshuar me koronavirus.
Duhet saktësuar se nëse do të jemi me shenja klinike,është e rëndësishme që të kujdesemi për veten dhe të qëndrojmë në shtëpi. Jo më teper në situatën e karantinës dhe të kontrollit të shenjave klinike është e rëndësishme që të qëndrojmë në shtëpi pavarsisht angazhimeve. Duhet të theksohet se dhe distancimi social dhe kufizimi i orareve ka bërë që kontaktet e ngushta në punë apo familjare të minimizohen. Shpesoj që rasti në fjalë të mos ketë pasur asnjë kontakt tjetër që mund të ketë sjellë infektim të personave të tjerë”, tha ajo.
