Një ngjarje tronditëse ka ndodhur në fshatin Gjegjan të Elbasanit ku burrë e grua janë gjetur të vdekur pasi banesa u përfshi nga flakët. Nipi i tyre i gjeti të vdekur në banesë shtetasit Vasil (Shyqo) Liçi 65-vjeç dhe gruan Sabire Liçi, 61-vjeçe.
Fillimisht, u raportua se kemi të bëjmë me ngjarje aksidentale, por policia ka zbuluar se gjithçka është e qëllimshme.
Raportohet se bashkëshortët i kanë dhënë fund jetës pas problemeve të shumta familjare. Ata jetonin të vetëm në banesë dhe tre fëmijët që ishin jashtë, prej kohësh nuk u telefononin dhe nuk i vizitonin.
Po ashtu, gruaja kishte probleme të rënda shëndetësore ndërkohë burri kishte shfaqur shenja të depresionit së fundi si pasojë e problemeve familjare.
Policia ka gjetur dy bombola të hapura gazi. Dyshohet se kryefamiljari i ka vënë zjarrin vetë banesës.
Informacion paraprak:
Në fshatin Gjergjan, Elbasan, në banesë janë konstatuar pa shenja jete nga një i afërm i tyre shtetasit: V. Liçi, 65 vjeç, dhe bashkëshortja e tij shtetasja S. Liçi, 61 vjeçe.
Grupi hetimor në vendngjarje po punon për zbardhjen e plotë të rrethanave të ngjarjes, ku nga hetimet paraprake dyshohet se shtetasi V. Liçi ka hapur bomblën e gazit e më pas i ka vendosur flakën.
Si pasojë kanë marrë flakë disa orendi shtëpiake si dhe dyshohet nga asfiksia kanë ndëruar jetë bashkëshortët.
Nipi i tyre ka konstatuar zjarrin dhe ka shkuar menjëherë në banesë duke u futur nga dritarja por çifti kishte ndërruar jetë./a.m.
