Petraq Gjika, 67 vjeçari i cili u gjet këtë të shtunë pa shënja jete në fshatin Mbrostar Ura, Fier, dyshohet të jetë vrarë me thikë.
Ai banonte në Daullas të Fierit dhe ka qenë i punësuar si roje te serat e fshatit.
Sot rreth orës 06:40, policia tha se ai u gjet në afërsi të serave ku dhe punonte.
Sipas News 24, viktima është edhe vëllai i kryeplakut të fshatit Grecalli.
Ai është plagosur edhe në 2018 me thikë nga shtetasi Xhevat Bregu.
Ngjarja ndodhi në lagjen “8 Shkurti” sipas policisë dhe sherri mes tyre kishte ndodhur për motive të dobta. Asokohe autori Bregu u arrestua pas plagosjes.
Policia aktualisht po heton në disa pista mbi krimin e ndodhur më 11 qershor.
Ekspertët e drejtorisë së policisë Fier po krehin të gjithë zonën.
Paraprakisht dyshohet se ka qenë një person i vetëm ai që ka kryer vrasjen, autori është larguar në këmbë nga vendi i ngjarjes. Mësohet se objekti ruhet me kamera sigurie.
g.kosovari
