Policia dyshon se zjarri në banesën e 52-vjeçares Kozeta Teço, i cili i mori jetën, është ndezur qëllimisht. Sipas burimeve, në trupin e viktimës janë gjetur shenja dhune.
Prandaj pista e parë që po hetohet është ajo e vrasjes për motive pronësie. Kujtojmë se trupi i 52-vjeçares u gjet i pajetë në orët e para të mëngjesit në lagjen numër 1 të Pogradecit.
Paraprakisht policia tha se ajo humbi jetën si pasojë e asfiksisë, por këqyrja nga ekspertët mjeko-ligjorë të trupit të pajetë ka zbuluar se mund të bëhet fjalë për një ngjarje kriminale.
