Mbërrin në Berat trupi i pajetë i Brunilda Kovaçit. Fatime Kovaçi, nëna e Brundila Kovacit ka bërë apel që në varrimin e të motrës të marrin pjesë edhe dy djemtë e saj që janë në burg.
37-vjeçarja Brunilda Kovaçi Sadushi u gjet e pajetë më 25 dhjetor në një pyll larg qendrave të banuara në Mougins të Francës.
Report Tv ishte të shtunën që shkoi pranë familjes së shqiptares, e cila jeton në Berat. Lajmin e kobshëm e mësuan përmes televizorit dhe në mesin e dhimbjes për humbjen e vajzës së tyre, kanë bërë edhe një apel për shtetin që tju sjellë trupin e 37-vjeçares.
Ndërkohë Fatime Kovaçi, nëna e Brundila Kovacit ka bërë apel që në varrimin e të motrës të marrin pjesë edhe dy djemtë e saj që janë në burg.
“Na kërkuan certifikatë personale, vendbanim, i çuam në burg te djemtë. Çuam shkresë në polici. Nuk mban përgjegjësi tha. Unë kam tani varrimin e vajzës. Unë mezi e prita që e mora atë vajzë. Përgjigje nuk ka dhënë. Erdhi trupi. Kërkojë fëmijët që janë në burg që të vijnë të varrosin motrën e tyre të dashur. Nuk është as i pari as i fundit. Si ka mundësi. Ata një motër kishin. Është gjynah nga zoti. Menjëherë të më vijnçë çunat për varrimin e fëmijës”, u shpreh nëna Brunildës.
Dy vëllezërit e Brunilda Kovaçit vuajnë dënimin në burg, njëri prej vjedhje dhe tjetri për vrasje.
g.kosovari
