Tuneli Tianshan Shengli prej 22.13 km, tuneli më i gjatë i autostradës në botë, u hap zyrtarisht për trafikun të Premten.
Duke përshkuar malet qendrore Tianshan në Rajonin Autonom Xinjiang Ujgur të Kinës Veriperëndimore, tuneli e shkurton atë që dikur ishte një udhëtim malor disaorësh në vetëm 20 minuta, shkruan “Xinhua”.
Si një arterie jetësore që lidh grupet e qyteteve në Xinjiang veriore dhe jugore, Autostrada G0711 Urumqi-Yuli, përfshirë tunelin, hyri në funksion po atë ditë.
