Moti i keq, me reshje të dendura dëbore dhe temperatura të ulta, ka çuar në anulime masive të fluturimeve.
Sipas të dhënave nga shërbimi i gjurmimit të fluturimeve FlightAware, më shumë se 1,600 fluturime komerciale në të gjithë Shtetet e Bashkuara u anuluan të premten, qoftë brenda vendit apo jasht vendit, ndërsa më shumë se 7,800 fluturime u vonuan për shkak të përkeqësimit të kushteve të motit
Tre aeroportet kryesore që shërbejnë në Nju Jork, John F. Kennedy, Newark Liberty International dhe LaGuardia, po shohin numrin më të lartë të anulimeve dhe kanë lëshuar përditësime për udhëtarët me ndryshime të orareve.
Sakaq, autoritetet u kanë bër thirrje banorëve të shmangin udhëtimet e panevojshme dhe të marrin masa paraprake, duke paralajmëruar për kushte të rrezikshme rrugore dhe ndërprerje të shpeshta të trafikut.
Janë shpallur gjendje të jashtëzakonshme për Nju Xhersin dhe disa zona të Nju Jorkut.
Stuhia ka vënë në fuqi paralajmërimet për stuhi dimërore në pjesën më të madhe të Shteteve të Bashkuara verilindore, duke prekur jo vetëm Nju Jorkun, por edhe pjesë të Pensilvanisë, Masaçusets, Nju Xhersit dhe Konektikatit, ku më shumë se 60 milionë njerëz kanë marrë paralajmërime për mot të ashpër. Nju Jorku pritet të përjetojë reshjet më të dendura të borës në katër vjet, me reshje bore deri në 5 cm në orë.
Fatkeqësisht, problemet me udhëtimet pritet të vazhdojnë edhe të shtunën, pasi aeroportet kryesore në rajon, nën paralajmërimet për motin dimëror, panë anulime dhe vonesa të konsiderueshme të premten.
Moti i keq vjen gjatë sezonit të festave, duke e bërë të vështirë për miliona njerëz të kthehen në punë pas festave dhe duke shkaktuar kaos në rrugët e udhëtimit si brenda ashtu edhe jashtë Shteteve të Bashkuara.
It’s 3:00 AM in New York City and the snow is falling ❄️
53rd Street and 6th Avenue headed northbound towards Central Park South.
I’d estimate we got around 4 inches of Snow so far in Midtown Manhattan
Total delays today at JFK: 74
Total delays within, into, or out of… pic.twitter.com/FlT2GdBGTE
— Walks&WallStreet (@WalksWallstreet) December 27, 2025
