Një ngjarje e rëndë është regjistruar pasditen e sotme në Fier, ku një 30-vjeçar është mbytur në lumin Vjosë.
Sipas Policisë ngjarja ka ndodhur rreth orës 13:40, në fshatin Selishtë, ndërsa 30-vjeçari ishte futur në lum për t’u larë.
30-vjeçari Armando Begaj ishte i martuar dhe kishte një vajzë. Ai ishte nga fshati Gorishovë njësia administrative Cakran dhe kishte shkuar për t’u larë në lumin Vjosë që kalon pranë fshatit Selishtë. Begaj ka qenë së bashku me dy shokët e tij. Kur ai ka kërkuar ndihmë shokët kanë kujtuar se ai po bënte shaka.
Kur kanë parë që trupi po fundosej dhe e mori rrjedha e lumit kanë kërkuar ndihmë por nuk kanë mundur për ta shpëtuar. Policia dhe polumbarët po punojnë për gjetjen e trupit të 30-vjeçarit. Ndërkohë që dje dy persona u mbytën në ujërat e lumit Buna në Shkodër.
Njoftimi i plotë:
Fier
Informacion paraprak.
Sot rreth orës 13:40, në fshatin Selishtë, duke u larë në lumin Vjosë, është mbytur shtetasi A.B., 30 vjeç, banues në Gorishovë. Policia dhe polumbarët po punojnë për gjetjen e trupit të 30-vjeçarit.
Grupi hetimor po punon për zbardhjen e plotë të ngjarjes.
g.kosovari
