Një fëmijë nga Gaza është transportuar një ditë më parë nga Gaza për t’i dhënë ndihmë mjekësorë në shërbimin e pediatrisë ne QSUT.
Djali i cili ka qenë i intubuar në Gaza për shkak të problemeve respiratorë dhe bronkoliteve. Ai ka mbërritur me avion sanitar në Shqipëri e më pas është transportuar në shërbimin e pediatrisë në QSUT ku po merr trajtim mjekësor nën terapinë intensive.
Gjatë ditës së sotme ka reaguar kryeministri, Edi Rama pasi ky lajm është hedhur në rrjete sociale, qytetarë të ndryshëm në komentet tyre kanë thënë se kjo behet për reklamë pasi fëmijët shqiptare lihen të vdesin.
Sipas shefes së reanimacionit në pediatri, Mira Kola gjendja shëndetësorë e djalit është në përmirësim dhe brenda pak ditësh mund te lërë spitalin
Djali 1-vjeçar bashkë me të atin, e motra e tij bashkë me një tjetër fëmijë për te cilin kujdeset, janë evakuuar në Shqipëri nga qeveria shqiptare në bashkëpunim me Organizatën Botërore të Shëndetësisë.
Ata janë strehuar në qendrën e azilantëve ne Babrru. Ndërkohë nëna e djalit bashkë me dy fëmijë të tjerë nuk janë lejuar të evakuohen .
