14 vjeçarja që u raportua e zhdukur nga familjarët e saj është gjetur në një hotel në Tiranë. Policia njodton se e mitura ndodhet në gjendje të mirë shëndetësore.
Ajo u shpall e zhdukur pas denoncimit të familjes se ishte larguar nga banesa.
“Më datë 24.06.2023, në një hotel në rrugën “Shemsi Haka”, është gjetur shtetasja e mitur 14-vjeçare, e cila ishte shpallur në kërkim nga DVP Fier, për largim nga banesa.
14-vjeçarja ndodhet në gjendje të mirë shëndetësore.”, njofton policia.
Më parë. prindërit e vajzës Artjan dhe Luiza Metaj bënë apel që vajza të kthehej sa më parë në shtëpi.
Më nisën foto që po ikte. Kishte ikur me autobus në Tiranë, nuk e kishin kapur dot. Nuk dimë gjë ne. Nuk kemi folur me të. Tani jemi në dorë të shtetit. Ka marrë rrogat e saj, pjastër, opinga. Nuk e dimë se me kë mund të jetë larguar. Asgjë nuk dimë se me kë mund të jetë. Nuk më tregonte asgjë. I thoja; ça ke ndonjë të re. Nuk më tregonte asgjë. Ajo ikte nga shkolla, më thanë shoqet. Nga shkolla asnjë s’më tha gjë se ishte larguar. Nuk di gjë. E kërkoj të ma gjej shteti. Isha jashtë kur ka ikur vajza. Kishte fikur dhe telefonin.”, tha nëna e saj/m.j
