Një 26-vjeçare u denoncua dje nga vjehrri i saj e zhdukur, por ajo ka rrëfyer në polici se ishte larguar me dëshirë.
“Specialistët për Krimet në Komisariatin e Policisë Durrës bënë të mundur gjetjen e shtetases L.T. banuese në Fllakë, Durrës. Shtetasja e mësipërme ka deklaruar para Oficerit të Policisë Gjyqësore se është larguar me dëshirë”, thuhet në njoftimin e Policisë.
Ndërkohë që Policia e Durrësit ka arrestuar shtetasin e shpallur në kërkim, Skënder Jusufi 64 vjeç, banues në Durrës. Gjykata e Rrethit Gjyqësor Durrës, ka caktuar masën e sigurisë “Arrest me burg” për efekt të ekzekutimit të vendimit penal të huaj, pasi në Itali është dënuar me 8 vjet burgim për veprën penale “Trafikimi i lëndëve narkotike”.
Policia ka vënë në pranga edhe Ilir Tatazin 46 vjeç, banues në Durrës, i cili u ndalua duke drejtuar mjetin tip Benz Fugon, me targa AA 117 FS, nën efektin e alkoolit në masën 1.03 mg/litër. Një tjetër i ndaluar nga policia e Durrësit është edhe Altin Bukaçin 35 vjeç, banues në Xhafzotaj Durrës. Gjykata e Apelit Durrës, e ka dënuar me 20 ditë burg për veprën penale “Dhunë në familje”, parashikuar në nenin 130/a të Kodit Penal.
ma.me
