Kreu i PD-së, Lulzim Basha, ka vendosur të jetojë në kompleksin e vilave “Long Hill”, në periferi të Tiranës, pasi sipas PD, pallati ku banonte deri më tani Basha, ka pësuar dëmtime nga tërmeti i pak javëve më parë.
Familja Basha tani jeton në një vilë dykatëshe të kompleksit ku banojnë pasanikët e kryeqytetit, i njohur edhe si kompleksi i vilave të Papulit.
Biznesmeni në fjalë, ka qenë një ndër më të sulmuarit nga Sali Berisha kur ishte në Kuvend, që nuk linte dalje të tij, pa akuzuar Papuli-Carapulin, si ortak të Edi Ramës.
Nuk dihet se çfarë mendimi ka Berisha tani për të, por me sa duket mëkëmbësi i tij në parti, Lulzim Basha, i ka marrëdhëniet mjaft të mira me të.
Kujtojmë që një vilë aty kushton miliona euro.
Ndërsa të marrësh me qira një vilë në këtë zonë, siç pretendon PD-ja se ka bërë Basha, minimumi duhet të paguash 2 mijë euro në muaj.
Por, Lulzim Basha ka një detyrë të vështirë, atë të rrëzimit të Edi Ramës, dhe për këtë arsye e meriton këtë komoditet dhe luks, pasi duhet të jetë sa më i relaksuar për të përmbushuar misionin e tij! /tema
