Amber ka folur së gundmi në një intervistë për jetën e saj personale, raportet me personazhet e tjerë dhe prapaskenat e rrjeteve sociale.
E pyetur nga gazetari se cilit prej meshkujve, Joz Markut, G-Banit apo Gjesti-t, do t’i jepte një shans për një mbrëmje me një gotë verë, Amber befasoi me përgjigjen e saj.
Ajo veçoi këngëtarin nga Peja, duke u shprehur: “Do thosha Gjesti, dhe jo për famën… jo për famën ose për t’u dukur bukur në sytë e publikut, por të kishim pirë një gotë verë dhe të sqaroheshim për ta kuptuar më shumë njëri-tjetrin, se ndoshta aty nuk patëm…” Ndërkaq, sa i përket Jozit, ajo e sqaroi menjëherë raportin e tyre: “Jo, Jozin e kam shok, e dua shumë.”
Gjatë bisedës, ajo u ndal edhe te përplasjet në rrjete sociale dhe pyetjes nëse ka dikë “bllok”. “Do të dish që unë nuk bëj kurrë bllok? Edhe sikur të kem debat me njërin… Më duket shumë veprim i ulët që të bësh bllok,” tha ajo. Megjithatë, Amber zbuloi një prapaskenë me Loredanën.“Kemi pasur një keqkuptim me Loredanën, u bëmë bllok me njëra-tjetrën dhe u zhbllokuam prapë dhe jemi prapë shoqe. Një keqkuptim shumë i vogël që na e bëri një person i tretë, por gjëja e mirë është që njerëzit që e kuptojnë shpejt gjënë edhe e rregullojnë.”Në fund, e pyetur për gabimin më të madh në jetë dhe raportin me financat, ajo e pranoi me doza humori: “Duhet të isha pak më shumë kërkuese te lekët, nuk jam fare… Çfarë marr e prish!”
