Hosam Hasan, trajneri aktual i Egjiptit, ka kaluar momente ankthi pasi ka pësuar një kolaps dhe është dërguar në spital.
Por rrethanat se si çuan në këtë situatë, kanë qenë me të vërtetë të pazakonta pasi raportohet se ai ka humbur ndjenjat gjatë një zënke të dhunshme mes gruas së tij të dytë dhe fëmijëve që kishte me gruan e parë.
Çështja, sipas avokatit Mohamed Shams, përfundoi me divorcin nga gruaja e tij e parë. Episodi që çoi në ndarjen përfundimtare daton të premten në mbrëmje, kur shpërtheu kaosi brenda një hoteli luksoz.
Një grindje shpejt u përshkallëzua në një përleshje fizike, duke rezultuar në lëndime dhe hematoma, aq sa u kërkua ndërhyrja e policisë.
Gjatë atyre momenteve të tensionit të fortë, Hosam Hasan raportohet se u ndje keq, duke humbur ndjenjat dhe duke sjellë dërgimin e tij në spital. Sipas rindërtimit të ngjarjes nga avokati, menjëherë pas incidentit ai njoftoi divorcin nga gruaja e tij e parë.
Avokati shpjegoi më tej se Hosam Hasan dhe gruaja e tij e parë kishin jetuar të ndarë për rreth trembëdhjetë vjet, ndërsa ruanin zyrtarisht lidhjen e tyre martesore për të siguruar paqen e fëmijëve të tyre dhe për të ruajtur ekuilibrin familjar.
Çifti kishte përjetuar një ndarje të shkurtër në vitin 2022, që zgjati rreth dhjetë ditë, përpara se të pajtoheshin.
Mes grave gjithashtu raportohet se ka pasur përleshje në hotel në prezencë edhe të trajnerit të Egjiptit, teksa më pas incidentet janë përshkallëzuar dhe shkak ka qenë pikërisht divorci.
Hasan u bë një emër shumë i njohur gjatë Botërorit 2026, pas akuzave të rënda që lëshoi kundër FIFA-s pas eliminimit nga Argjentina.
