Autoritetet malajziane lirojnë Klodian Zaimajn, pedagogun shqiptar i cili u ndalua nën dyshimet se ishte pjesë e një celule terroriste të lidhur me ISIS-in.
Pas hetimeve të zhvilluara nga policia malajziane, në ngarkim të Zaimajt nuk janë siguruar prova që të vërtetojnë dyshimet e ngritura. Pasi u mbajt në qeli për rreth 1 muaj, ai u lirua dhe tashmë raportohet se ka mbërritur në Shqipëri.
Lajmi konfirmohet nga imami i xhamisë së Unazës në Tiranë Armand Ali përmes një postimi në rrjetet sociale.
Ali thotë se pas hetimeve, u vërtetua pafajësia e Zaimajt, i cili tashmë ka mbërritur në atdhe i liruar nga akuzat.
Postimi i Armand Alit:
Hoxha i nderuar Dr. Klodjan Zaimaj ashtu siç edhe pritej, eshte liruar nga autoritetet malajziane i pafajshem nga cdo dyshim.
Falenderoj Allahun qe ja lehtesoi kete sprove qe ta kalonte ne nje periudhe te shkurter.
Klodjani u arrestuar ne fillim te muajit tetor nga autoritetet malajziane si i dyshuar per lidhje me levizjen e Ebu Sejjafit ne Filipine.
Autoritetet malajziane u treguan te kujdesshme dhe nuk publikuan as emrin e as fytyren e tij por vetem inicialet e emrit pasi ne ate vend dyshimet pa fakte nuk mund te kthehen ne akuza vetem pasi te vertetohen. E kunderta ndodh ne Shqiperi e sidomos kur behet fjale per besimtaret muslimane ose hoxhallaret. Ketu shpifjet e mediave perdoren nga prokuroria si fakte per te denuar besimtaret muslimane. Ai ka mberritur shendosh e mire ne Shqiperi.
E njejta gje ndodhi edhe me rastin ne fjale. Mediat shqiptare shpejtuan me shpifjet e rendomta se Klodjani akuzohej per lidhjet e tij me ISIS dhe se sipas autoriteteve shqiptare ai njihej per idetë e tij ekstremiste. Ne te vertete Klodjani ishte ekstremist islamik po aq sa ka qene edhe gjyshi im qe ka rreth 25 vjet i vdekur.
Po tani a do te shpejtojne mediat shqipare per ta perhapur lajmin se Klodjani eshte liruar i pafajshem nga cdo dyshim?! Nuk besoj.
Edhe myftinia e Elbasanit qe morri zjarr aq shpejte e nxitoi te distancohej prej tij veçse tregoi mendjelehtesi dhe friken ne palce qe i ka hyre. Turpi do tu mbetet persiper atyre njesoj si edhe medjave shqiptare.
Por njollosja dhe perbaltja e figurave te hoxhallareve dhe besimtareve muslimane ka 14 shekuj qe ka filluar e nuk do te pushoje, as gojet e liga nuk do te heshtin asnjehere. Vetem tek Allahu ankohemi e vetem prej Tij ndihmen e kerkojme.
