Tyson Fury ka paralajmëruar se do të rikthehet në ring gjatë muajit korrik me qëllim që të sigurojë përballjen me kampionin e peshave të rënda Anthony Joshua.
Joshua nokautoi ish-kampionin Wladimir Klitschko të shtunën e kaluar, duke ia shtuar rripit të tij IBF edhe atë WBA, derisa Fury nuk ka luftuar që prej nëntorit të vitit 2015 kur mposhti ukrainasin.
Fury javën e kaluar ka thënë për Sky Sports se nuk i duhet një duel testues para përballjes me AJ, duke insistuar se do ta rrihte me një dorë. “Jam duke punuar, duke vrapuar dhe duke bërë sparing”, ka thënë Fury, duke shtuar se dueli me Joshuan mund të ndodhë në muajin prill të vitit 2018.
“Do të kthehem më 8 korrik në spektaklin Copper Box. Do të kem disa duele, dy apo tri dhe jam në pritje të Joshuas. Nuk kam dhënë para për dikë tjetër, dua ‘Zotëri Muskulin’”, përgatiti Express. (b.an)
