Twente ka gjetur dy personat që kishin vendosur banerin “Kosova është Serbi” në ndeshjen Twente – Feyenoord në Holandë dhe menjëherë ka vendosur t’ua ndalojë përcjelljen e ndeshjeve në stadium.
“Është një aksion i ndërmarrë nga një numër i vogël i individëve”, ka thënë një zyrtar i tifozëve të klubit, raporton “Tubantia”, transmeton Koha.net.
Baneri kishte bërë bujë pasi futbollisti i Twentes Bersant Celina kishte reaguar menjëherë duke thënë se “Kosova nuk është Serbi” dhe duke kërkuar largimin e tij.
Tani pritet që të dënohet edhe Twente si klub. (b.an)
