Këto dy muaj do të jenë tepër intensive për qeverinë dhe deputetët për të lobuar në vendet anëtare të BE për çeljen e negociatave. Vendimi i rëndësishëm pritet të jepët në Qershor, ndërkohë vetëm pak ditë më parë Komisioni Evropian dha rekomandimin pozitiv. Tashmë u takon vendeve anëtare të marrin një vendim për Shqipërinë.
Në Tiranë vjen sot presidenti i KE Donald Tusk i cili pritet të takohet me kryeministrin Rama, e më pas të dy do të kenë një konferencë për mediat. Ndërkorhë, të enjten Rama zhvillon një takim në Gjermani me kancelaren Angela Merkel, ku synimi do jetë marrja e mbështetjes nga Gjermania për negociatat.
Ndërkohë, edhe disa delegacione deputetesh po zhvillojnë vizita intensive.
Kryetari i Kuvendit Gramoz Ruçi dhe Kryetari i Grupit Parlamentar Socialist kanë marrë pjesë në Samitin e Kryetarëve të Parlamenteve të Bashkimit Evropian që po organizohet në Estoni ku është kërkuar mbështetja e parlamentarëve të vendeve anëtare të BE.
Gjithashtu, disa deputetë po zhvillojnë një vizitë zyrtare, në Asamblenë Parlamentare të Këshillit të Evropës në Strasburg ku është kërkuar mbështetja e vendeve anëtare për të mbështetur hapjen e negociatave për vendin tonë.
Ndëkorhë, seanca parlamentare e së enjtes është shtyrë pikërisht për shkak të lobimit të deptetëve. Kjo pasi të enjten do jenë jashtë vendit kryeministri dhe një numër i madh deputetësh./a.m.
