Një ngjarje shokuese ndodhi ditën e djeshme në Toronto të Kanadasë ku një furgon hyri mes turmës së kalimtarëve duke lënë disa të vdekur e të plagosur. Dyshohet se 10 persona kanë humbur jetën dhe 15 të tjerë janë plagosur në incidentin e tmerrshëm. Ky është bilanci i ri, sipas burimeve të policisë.
Furgoni ka përplasur turmën e këmbësorëve dhe më pas u largua pas incidentit, i cili po hetohet nëse është ose jo sulm terrorist. Policët arritën të ndalonin shoferin disa metra larg vendit ku ndodhi incidenti.
Mediat thanë se janë dëgjuar edhe të shtëna arme, por policia ende nuk e ka konfirmuar këtë informacion paraprak. Raportet tregojnë se furgoni ishte marrë me qira, teksa shoferi është dërguar në burg, thuhet se ka edhe një person të dytë të arrestuar, që nuk dihet lidhja e tij me incidentin./a.m.
