Krerët e vendeve të BE-së janë të gatshëm t’i japin Britanisë së Madhe një shtyrje të shkurtër periudhës së daljes nëse ka një votim pozitiv të deputetëve britanik mbi marrëveshjen e Brexit që është negociuar me Theresa May, deklaroi të mërkurën presidenti i Këshillit Europian.
“Në kuadër të konsultimeve që kam zhvilluar ditët e fundit me krerët e 27 vendeve anëtare, besoj se një shtyrje e shkurtër është e mundur por me kusht që të arrihet një votim pozitiv mbi marrëveshjen e tërheqjes nga Dhoma e Komuneve”, tha Donald Tusk në një deklaratë të shkurtër para medias.
