“Vetëm sulmet ajrore kundër ISIS në Siri nuk mjaftojnë. Duhet një strategji bashkë me sulmet ajrore, duhet një përpjekje nga toka”.
Kështu ka deklaruar ministri i Jashtëm turk, Mevlut Davutoglu në një konferencë për shtyp me homologun italian Paolo Gentiloni, në Ankara.
“Por Turqia nuk do të veprojë e vetme. Duhet një vendim i përbashkët”, ka thënë Davutoglu.
Ai është shprehur në favor të qëndrimit të Italisë mbi nevojën për një armëpushim dhe për një tranzicion politik në Siri. “Ne nuk kemi axhenda sekrete”, ka shtuar Davutoglu.
Nga ana e tij, ministri i Jashtëm italian është shprehur për një zgjidhje politike të konfliktit sirian.
“Situata në Siri është shumë e rëndë në aspektin humanitar dhe shumë e vështirë në atë strategjik. Megjithatë, për Italinë është e nevojshme bashkimi i forcave kundër ISIS dhe të besojmë në prespektivat që ofrojnë bisedimet për paqen. Premisat që na ka komunikuar John Kerry janë inkurajuese dhe duhen mbështetur”, ka thënë Gentiloni.
Ai ka pohuar qëndrimin e Romës zyrtare se, “zgjidhja diplomatike dhe hapja e një procesi tranzicioni politik në Siri është kryezgjidhja e konfliktit”.
