Policia Kufitare e Qafë-Thanës ka vënë në pranga ditën e djeshme dy shtetas të huaj, të cilët janë kapur me lëndë narkotik të llojit ekstazi.
Salih.E., 39 vjeç, banues ne Stamboll dhe Oksana.T., 23 vjeçe, banuese në Odessa Bolgrad-Ukrainë janë paraqitur në dalje të Republikës së Shqipërisë, me mjetin tip “Opel Astra”.
Gjatë kontrollit që shërbimet e Policisë, kanë ushtruar në vijën e dytë, ndaj mjetit me të cilin ata udhëtonin, iu gjetën e sekuestruan me cilësinë e provës materiale 9 tableta të dyshuara si lëndë narkotike Ekstazi.
Polica bën me dije se veprimet procedurale, u kryhen nga specialistët e Seksionit për Narkotikët, në Drejtorinë Vendore të Policisë Korçë. Ndërsa, materialet në ngarkim të tyre i kaluan Prokurorisë të Rrethit Gjyqësor Pogradec për veprime të mëtejshme.
a.ç
