Ka kaluar më shumë se një vit nga momenti që moderatorët e njohur Turjan Hyska dhe Orinda Huta, vendosën të kurorëzonin në martesë dashurinë e tyre 10-vjeçare. Ashtu siç ndodhi edhe me pasuesit e tyre, Xhensila dhe Besi apo Getoar Selimi dhe Marina Vjollca, çifti u tregua i kujdesshëm të mos ndante asnjë moment nga dasma.
Por jetojmë në kohën e Instagramit dhe Snapchatit, kështu që fotot dhe videot vërshuan lumë. Megjithatë jo gjithçka që ndodhi atë ditë dihet nga publiku.
E ftuar në emisionin ‘’Rudina’’, Orinda Huta ka zbuluar disa detaje të panjohura nga magjia e 27 korrikut të shkuar, përfshirë këtu edhe një gabim ‘’të pafalshëm’’ të Turit
“Jam shumë e fiksuar pas numrit 7. Siç e dini, dasma jonë u zhvillua më 27.07.2017. Kisha planifikuar që edhe kurorëzimi në altar të mbahej në orën 7 pasdite. Por nuk ndodhi kështu për faj të Turit. Gjatë vitit që unë prisja të bëhesha nuse, bëja vrap nga Liqeni sepse doja të isha me energji të mirë, por sa më shumë afrohej data unë përjetoja një moment të veçantë sepse mbushesha me lot. E doja dasmën ashtu siç e kisha imagjinuar. Por dhëndri nuk erdhi në kohë, sepse nuk ia bënë të mundur dhe unë e kam pritur poshtë kalasë së Petrelës. Ne e kishim lënë në orën 7 të mbrëmjes, por nuk erdhi në 7, por në 7 e 30. Por unë isha e vendosur dhe thash: Do nisem tani”, -përfundoi ajo.
/b.d
