Kryeministri i Shqipërisë, Edi Rama pasditen e sotme është takuar me kryeministrin e Malit të Zi, Dritan Abazovic në kuadër të turit ballkanik dy ditor.
Pas takimit ata kanë dalë në konferencë për mediat, ku kryeministri i Malit të Zi është shprehur se se Mali i Zi është i interesuar për bashkëpunim në rajon.
Sipas tij, rajoni duhet të fokusohet tek e ardhmja dhe jo tek e kaluara.
“Jemi të interesuar për bashkëpunim, kooperativitet më të lartë dhe duam që të jetë një rrugë që do të marrin fqinjët tanë. Duam të japin kontributin tonë që ta bëjmë të mundshme. Qëllimi është që rajoni të jetë i fokusuar tek e ardhmja jo tek e kaluara”, tha Abazoviç.
Ndër të tjera, kryeministri i Malit të Zi tha se duhet të mbyllen sa më shpejt çështjet e hapura.
“Nuk mbështesim agresionin, ne jemi mbështetës të dialogut mes palëve, të gjenerojmë stabilitet në rajon”, tha ai ndër të tjera./m.j
