Trupi i një alieni gjendet në Rusi
Trupi i dekompozuar i një krijese të panjohur ka shkaktuar konfuzion mes biologëve në Rusi. Bëhet fjalë për këtë krijesë, me një trup prej jo më shumë se 5 centimetrash të gjatë, të cilën shkencëtarët nuk dinë se tek cilat gjallesa ta kategorizojnë. Ajo u gjet rastesisht buzë lumit Kovashi në perëndim të Rusisë. Disa biologë vendas, ashtu si edhe shumica e të apasionuarve pas mistereve me gjallesa jashtëtokësore, nxituan të thonë se bëhej fjalë për një alien.
Në fakt krijesa është e përafërt me një zog pule ose një bretkosë, por ka tiparë, që e bëjnë atë të jetë e ndryshme. Një hipotezë është se mund të bëhet fjalë për trupin e një krijese ende të pazbuluar deri më tani, ose për ndonjë mutacion genetik, për shkak të impjantit bërthamor, që gjendet aty pranë.
Për Washington Post folën disa shkencëtarë amerikanë, të cilët janë të mendimit se është herët për të folur. Në vitin 2009 thonë ata u zbulua një trup që mendohej se ishte i një alieni, por në fakt ishte i një përtaci të ngordhur. Edhe në vitin 2003, në shkretëtirën e atakamës në Kini u gjet një kufomë e çuditshme, që nga ekzaminimet e ADN-së u arrit në përfundimin se bëhej fjalë për trupin e një njeriu që vuante nga çrregullime fizike të theksuara.
