Autobusi i Kombëtares bëri aksident, lojtarët ikën në stërvitje me taksi
Pas ndeshjes me Danimarkën kombëtaren shqiptare nuk e ndoqi dhe shumë fati. Me barazimin dhe pikën në xhep, kuqezinjtë kanë qëndruar deri pasdite në Kopenhagen, duke u stërvitur para se të ktheheshin në Shqipëri. Por e shtuna nuk është se ka qenë pozitive në lajme, sepse për kuqezinjtë u hap fjalë se do të kishin rrezikuar shumë nëse do të kishin qenë në autobusin danez që i shoqëronte, sepse ai kishte pësuar aksident. Kombëtarja shqiptare ka zhvilluar një seancë stërvitore paraditen e kësaj të shtune në kryeqytetin e Danimarkës, Kopenhagen.
Autobusi që do të transportonte stafin dhe futbollistët e përfaqësueses drejt fushës ku do të zhvillohej stërvitja, ka pësuar aksident gjatë rrugës për në hotel, ndaj në pamundësi për të udhëtuar të gjithë bashkë pjesëtarët e kombëtares janë detyruar të marrin disa taksi, për të vijuar në kohë përgatitjet për ndeshjen me Portugalinë, që do të zhvillohet të hënën në “Elbasan Arena”. Gjithsesi, më vonë është sqaruar se nuk ka pasur histori përplasjesh apo aksidenti. Me një njoftim Federata Shqiptare e Futbollit ka sqaruar të gjithë.
“Në lidhje me një lajm të përhapur në media për përplasjen e autobusit të ekipit kombëtar me një taksi në Kopenhagen gjatë rrugës për në stërvitje, se ai nuk është i saktë. Autobusi i ekipit kombëtar i cili shkonte dje për stërvitjen e planifikuar në Kopenhagen, është bllokuar në trafik, për shkak të një aksidenti që kishte ndodhur në qendër të qytetit. Për këtë arsye, lojtarët dhe stafi kanë arritur në qendrën stërvitore, duke përdorur taksi, për të evituar këtë anomali të krijuar, nga pështjellimi i trafikut”, thuhej në njoftim.
Redaksia Java News /f.g
