Ndërsa na ndan vetëm një ditë nga zgjedhjet presidenciale në SHBA, sondazhet flasin se në krye vijon të jetë demokratja Clinton. Sipas Reuters, ish Sekretarja e Shtetit kryeson me 5 pikë.
Këtë të hënë republikani Trump pritet të japë goditjen e tij të fundit në Florida, Karolinen e Veriut, Pensilvani, New Hampshire për ta mbyllur garën e tij në Michigan.
Ai do të shoqërohet nga kandidati për zv president Mike Pence dhe Sarah Palin.
Edhe Hillary Clinton do të ndalojë në Pensilvani dhe Micigan përpara mbylljes së fushatës në North Carolina.
Por pak më herët Clinton do të jetë në një tubim në Filadelfia ku do të shoqërohet me Presidentin Obama, Zonjën e Parë dhe yllin e rokut Bruce Springsteen.
Mbrëmja e sotme do të jenë shanset e fundit për dy kandidatët për të bindur amerikanët të cilët nesër zgjedhin kreun e Shtëpisë së Bardhë.
shqiptarja.com/d.i.
