Presidenti amerikan Donald Trump vlerësoi sot se kultura dhe historia amerikane është copëzuar nga heqja e statujave që kujtojnë personazhet e konfederatës sudiste.
“Është e trishtë të shohësh historinë dhe kulturën e vendit tonë të madh të coptohet nga heqja e statujave dhe monumenteve tona mahnitëse”, shkruan në “Twitter” Donald Trump, duke marrë pozicion në këtë debat të delikat që u rishfaq pas dhunës në Charlottesville.
Një maxhorancë e gjerë e amerikanëve shikon në këto monumente në homazh të konfederatës së shteteve të jugut, që filluan luftën civile kryesisht për të mbrojtur skllavërinë, si kujtimin e një të kaluare raciste.
Të tjerë mbrojnë të drejtën e jugut për historinë e tij dhe vlerësojnë se duke i hequr këto statuja fshihet edhe një pjesë e historisë amerikane.
Por historianët theksojnë se shumica e këtyre monumenteve janë ngritur gjatë segregacionit racist ose në reagim ndaj lëvizjeve për të drejtat e qytetarëve në vitet 1960./b.d
