Numri i të mbyturve në vend fatkeqësisht është në shtim gjatë këtij sezoni turistik. Burime nga Shkodra bëjnë të ditur se dy fëmijë kanë humbur jetën në liqen teksa po laheshin të enjten pasdite.
Mësohet se dy kushërinjtë E.T 13 vjeç dhe S.T 15 vjeç me banim në Gruemirë kanë qenë nën shoqërinë edhe të 5 personave të tjerë.
Burimet nga Shkodra konfirmojnë se 7 fëmijë kishin dalë me varkë për t’u larë por rrjedha e ka zhvendosur mjetin lundrues teksa të miturit ndodheshin në ujë.
Policia thotë se 5 nga fëmijët kanë arritur të shpëtojnë ndërsa trupat e pajetë janë nxjerrë nga liqeni.
Ditën e djeshme në Zvërnec të Vlorës një 10-vjeçare humbi jetën ndërkohë që numri i të mbyturve në ujërat shqiptare këtë sezon turistik llogaritet rreth 25.
/b.d
