Presidenti i zgjedhur i SHBA-së Donald Trump ka reaguar pasi administrata amerikane në shkuarje ka vënë sanksione kundër Rusisë.
Ai, lidhur me zhvillimet e fundit SHBA-Rusi , e ka ftuar vendin e vet të shkojë përpara dhe ka paralajmëruar takim me shefat e shërbimeve informative të cilat më parë i kishte kritikuar.
“Është koha që vendi ynë të niset drejt gjërave më të mëdha. Është në interesin e vendit tonë dhe të populli të tij të madh, në javën e ardhshme do të takohem me liderët e shërbimeve informative për t’u njohur me faktet për këtë situatë”, ka thënë Trump, transmeton Koha.net.
SHBA dje kanë dëbuar 35 diplomatë rusë dhe kanë mbyllur dy objekte të tyre. Rusia ka paralajmëruar masa reciproke. (b.an)
