Presidenti i zgjedhur amerikan, Donald Trump postoi dje në mbrëmje në Twitter se Koreja e Veriut nuk do të ketë sukses në goditjen e Shteteve të Bashkuara të Amerikës me anë të një arme bërthamore.
“Koreja e Veriut sapo ka deklaruar se është në fazat përfundimtare të zhvillimit të një arme bërthamore, të aftë për të goditur disa zona të territorit të SHBA-së. Por, kjo nuk do të ndodhë!”, shkruan Trump në Twitter.
“Koreja e Veriut është në fazën përfundimtare të përgatitjes për testin e një raketë balistike (ICBM)”, deklaroi lideri koreanoveriorë, Kim Jong Un në një fjalim televiziv të Vitit të Ri.
Trump gjithashtu qortoi Kinën në postimin e tij në Twitter.
“Kina ka marrë shuma masive parash dhe pasurish së Shteteve të Bashkuara të Amerikës në një tregti krejtësisht të njëanshme, por ajo nuk do ta ndihmojë Korenë e Veriut. Bukur!”, përfundon postimi i presidentit të zgjedhur.
