Presidenti i zgjedhur i SHBA-ve, Donald Trump mendon të caktojë një grua në krye të Partisë Republikane, ndërsa SHBA-të do t’i përfaqësojë në OKB një njeri që nuk e fsheh se ai është homoseksual.
Siç raporton AP, Donald Trump në këtë mënyrë pretendon të sjellë në këtë mënyrë diversitet në ekipin tij, transmeton kp.
Presidenti i ri i Shteteve të Bashkuara mendon se Ambasadori i ri Amerikan në OKB do të jetë Richard Grenell dhe ai mund të bëhet i pari person homoseksual që përfaqëson politikën amerikane jashtë vendit.
Grenell më parë ka shërbyer si zëdhënës amerikan në OKB gjatë administratës së ish-presidentit George W. Bush.
Trump mendon që në krye të republikanëve të sjell Ronna Romney McDaniel, që është mbesa e kritikut të Trumpit dhe të nominuarit presidencial më 2012, Mitt Romney, dhe në rast se ajo zgjidhet do të ishte gruaja e parë që udhëheq Partinë Republikane.
Këto veprime shihen si përpjekje të Trumpit për të zbutur qëndrimet e ashpra kundër tij nga komunitetet e ndryshme, që po protestojnë që nga dita kur është bërë e ditur fitorja e tij, pasi besohet se gratë kanë qenë mbështetëset kryesore të kandidates demokrate Hillary Clinton, kurse gjatë fushatës, ai ka pasur edhe akuza kundër grupeve të ndryshme të shoqërisë amerikane. (b.an)
