Një shqiptar mund të ishte ambasador i SHBA-së ne vendin tonë. Por, personit që iu bë kjo ofertë ka refuzuar propozimin e presidentit Donald Trump për t’u rikthyer në Shqipëri si ambasador i SHBA-ve.
Bëhet fjalë për kandidatin republikan për guvernator, Peter Lumaj, i cili ka emigruar në SHBA 30 vjet më parë. Ai zbuloi se ka refuzuar ofertën e administratës së Trump-it për të përfaqësuar SHBA-të në Shqipëri.
“M’u ofrua puna e ambasadorit të ardhshëm në Shqipëri, për të përfaqësuar atje SHBA-të. E kam refuzuar sespe mendoj se i shërbej vendit më mirë duke qenë këtu sesa jashtë tij”, tha ai.
Lumaj nuk përmendi kohën kur i është propozuar kjo detyrë nga administrata amerikane, e cila ka qenë e ngadaltë në plotësimin e disa posteve diplomatike. Lumaj njihet si një mbështetës i hapur i Trump-it. Ai është avokat dhe merret me çështjet e emigracionit në Nju-Jork./a.m.
