Presidenti i SHBA-së, Donald Trump ka njoftuar shndërrimin e Harkut të Triumfit, të cilin ai po e planifikon në Uashington, në një kompleks ushtarak. Presidenti amerikan, në një postim në Truth Social, deklaroi se ky vendim u mor me kërkesë të ushtrisë së vendit.
“Pas një kërkese të vazhdueshme nga ushtria amerikane dhe për arsye të sigurisë kombëtare, kam vendosur ta transformoj Harkun madhështor të Triumfit në një kompleks ushtarak të cilësisë së lartë”, shkroi ai në postimin e tij.
Sipas tij, ky ndërtim do të strehojë, ruajë dhe do të ketë aftësinë për të përdorur menjëherë një numër të madh dronësh dhe snajperësh, por gjithashtu do të ruajë sasi të mëdha municionesh për snajperët”.
“Nuk do të ketë asnjë strukturë të krahasueshme askund në botë”, theksoi Trump në postimin e tij.
