Shtëpia e Bardhë ka konfirmuar se telefonata e Donald Trump me Vladimir Putin është duke u zhvilluar.
Shtëpia e Bardhë përpara takimit tha se Trump është “i frustruar” me Putinin dhe Volodymyr Zelenskyn.
Vetë udhëheqësi amerikan shprehu shpresa për një “ditë produktive”.
Reuters bën të ditur se Uashingtoni kërkon përfundimin e konfliktit të konsideruar më vdekjeprurës të Evropës që nga Lufta e Dytë Botërore.
Presidenti Putin dërgoi mijëra trupa në Ukrainë në shkurt të vitit 2022, duke shkaktuar konfrontimin më të rëndë midis Rusisë dhe Perëndimit që nga Kriza Kubane e Raketave të vitit 1962, shkruan Reuters.
Trump, i cili thotë se dëshiron të mbahet mend si një paqebërës, ka bërë vazhdimisht thirrje për t’i dhënë fund “gjakderdhjes” në Ukrainë, të cilën administrata e tij e përshkruan si një luftë me ndërmjetës midis Shteteve të Bashkuara dhe Rusisë.
